Föstudaginn 15. janúar var farið af stað frá Laugum og stefnan tekin á Þórshöfn þar sem frjálsíþróttaráð stóð fyrir sólarhringsæfingabúðum. Við fengum rútu frá Fjallasýn til að koma okkur á milli staða. Alls voru 29 frjálsíþróttaiðkendur teknir upp í rútuna á leiðinni en með í för voru líka Brói þjálfari, Friðbjörn Bragi og svo Hulda, Malla og Jóa úr frjálsíþróttaráði. Vegna hálku á leiðinni seinkaði okkur aðeins á staðinn en það kom ekki að sök og þegar allir voru komnir í salinn töldum við rúmlega 50 krakka og finnst okkur það alveg frábært.
Friðbjörn og Brói voru með æfingu til hálf átta en þá tók við sund eða sturta og svo fengum við ljúffengar pizzur sem matráðurinn í skólanum bjó til ásamt aðstoðarliði. Eftir pizzuát var farið í félagsheimilið þar sem við gistum. Þeir sem ætluðu að gista fundu sér stað og svo var smá tími fyrir leik áður en horft var á mynd og liðinu komið í ró. Fyrri æfing laugardagsins hófst klukkan 10 og stóð fram að hádegi. Boðið var upp á pasta í hádeginu og svo var hvíld og frágangur fram að seinni æfingunni sem var klukkan hálf tvö. Að lokum var farið í sturtu eða sund og svo boðið upp á hressingu áður en haldið var heim. Allir stóðu sig vel og hjálpuðust að við að gera þessa ferð skemmtilega og árangursríka og vonum við að í framhaldinu munum við fjölmenna á næstu mót sem framundan eru í Reykjavík.
Frjálsíþróttaráð vill þakka Þórshafnarbúum fyrir að taka svona vel á móti okkur, einnig viljum við þakka Ísfélaginu,Samkaup, Ungmennafélagi Langnesinga og Fjallasýn fyrir að gera þessar æfingabúðir að veruleika með okkur. Takk kærlega fyrir okkur.
Frjálsíþróttaráð vill svo að lokum minna á dagatalið sem við gefum út og er okkar helsta fjáröflunarleið.
Hafdís Sigurðardóttir úr Ljósavatnsskarði er ekki af baki dottin – nýflutt til Svíþjóðar, en skrapp svo aðeins heim til að taka þátt á Reykjavíkurleikunum í Laugardalnum. Í dag bætti hún sitt eigið Íslandsmet í langstökki innanhúss strax í fyrsta stökki.
mánudaginn 8. febrúar nk. og tekur það átta vikur á 1. stigi en fimm vikur á 2. stigi. Nám beggja stiga er allt í fjarnámi, engar staðbundnar lotur og gildir námið jafnt fyrir allar íþróttagreinar. Námið hefur verið afar vinsælt undanfarin ár og þátttakendur komið frá fjölda íþróttagreina.
