Ársþing HSÞ – Jóhannes Friðrik íþróttamaður HSÞ 2015

Ársþing HSÞ fór fram í Miðhvammi á Húsavík í dag.  59 fulltrúar frá 18 félögum mættu á þingið. Ársþingið var með hefðbundnu sniði. Aníta Karin Guttesen formaður HSÞ setti þingið og flutti skýrslu stjórnar og reikninga. Ma. kom fram í máli hennar að hagnaður varð á starfsemi HSÞ á árinu 2015. Fulltrúar frá UMFÍ og ÍSÍ heiðruðu félaga í HSÞ fyrir vel unnin störf í gegnum tíðina. Íþróttafólki úr héraði voru veittar viðurkenningar fyrir góðan árangur í hinum ýmsu íþróttagreinum og kjöri íþróttamanns HSÞ 2015 var lýst.

Íþróttafólk HSÞ 2015.
Íþróttafólk HSÞ 2015.

Jóhannes Friðrik Tómasson bogfimimaður úr UMF Eflingu í Reykjadal var valinn íþróttamaður HSÞ árið 2015 fyrir góðan árangur í bogfimi á liðnu ári. Í umsögn um afrek hans segir eftirfarandi:

IMG_5642

Jóhannes stóð sig gríðarvel á árinu. Hann landaði Íslandsmeistaratitli unglinga síðasta vor og bætti svo við það í sumar þegar hann varð Landsmótsmeistari í flokki U-18. Jóhannes vann svo til silfurverðlauna í Íslandsmótinu utanhúss í sama flokki. Hann hefur æft vel undanfarin ár og hefur sannarlega náð að uppskera eftir því þetta árið.

 

Hvatningarverðlaun HSÞ voru afhent í fyrsta sinn á þessu ársþingi en þau eru ætluð sem hvatning fyrir unga íþróttamenn. Tveir íþróttamenn fengu verðlaunin núna en það voru þau Stefán Bogi Aðalsteinsson UMF Eflingu og Thelma Dögg Tómasdóttir Hestamannafélaginu Grana

Eftirtaldir eru íþróttamenn ársins 2015 eftir greinum:

Bardagaíþróttamaður HSÞ 2015  – Marcin Florczyk
Bogfimimaður HSÞ 2015
 – Jóhannes Friðrik Tómasson
Bocciamaður HSÞ 2015  – Lena Kristín Hermannsdóttir
Frjálsíþróttamaður HSÞ 2015 – Snæþór Aðalsteinsson
Hestamaður HSÞ 2015 – Iðunn Bjarnadóttir
Knattspyrnumaður HSÞ 2015 Hafrún Olgeirsdóttir
Skákmaður HSÞ 2015 – Tómas Veigar Sigurðarson
Skotmaður HSÞ 2015 – Gylfi Sigurðsson
Sundmaður HSÞ 2015 – Sif Heiðarsdóttir

Aníta Karin Guttesen var endurkjörinn formaður HSÞ og nýtt fólk kom inn í stjórn og nefndir HSÞ.

Gunnar Gunnarsson frá UMFÍ afhenti Arngeir Friðriksyni starfsmekri UMFÍ
Gunnar Gunnarsson frá UMFÍ afhenti Arngeir Friðriksyni Starfsmerki UMFÍ
Gunnlaugur Júlíusson frá ÍSÍ afhenti Elísabet Sigurðardóttir starfsmerki ÍSÍ
Gunnlaugur Júlíusson frá ÍSÍ afhenti Elísabetu Sigurðardóttur Silfurmerki ÍSÍ
Ingólfur V Ingólfsson tekur við starfsmekri ÍSÍ fyrir hönd Huldu Elínar Skarphéðinsdóttur
Ingólfur V. Ingólfsson tekur við Silfurmekri ÍSÍ fyrir hönd Huldu Elínar Skarphéðinsdóttur

Á næstu dögum verða birtar fleiri myndir frá ársþingi HSÞ