Aldarafmælisrit HSÞ er komið út

Nú er loksins komin úr prentsmiðjunni aldarafmælisrit HSÞ sem inniheldur sögu Ungmennasambands Norður Þingeyinga, Héraðssambands Suður Þingeyinga og Héraðssambands Þingeyinga. Skemmtileg bók með mikið af myndum úr starfinu.

HSÞ forsíða

Bókina er hægt að kaupa í Bókaverslun Þórarins á Húsavík, Selinu í Mýnatnssveit, Dalakofanum á Laugum, hjá Birni Ingólfssyni á Grenivík, Skerjakollunni á Kópaskeri, versluninni á Raufarhöfn íþróttahúsinu á Þórshöfn. Bókin er til sölu á skrifstofu HSÞ með því að senda línur á hsth@hsth.is. Bókin kostar kr. 4000,- í beinni sölu frá HSÞ.  Sendum um allt land.

HSÞ baksíða
Hverju eintaki fylgir falleg lyklakippa með merki Héraðssambands Þingeyinga.

 

Héraðsmótið í skák verður 2. desember

Þriðjudaginn 2. desember verður héraðsmót HSÞ í skák fyrir 16 ára og yngri haldið í matsal Litlulaugaskóla í Reykjadal. Mótið hefst kl 16:00 og tefldar verða 5-6 umferðir eftir monrad-kerfi og verður umhugsunartíminn 10 mín á keppanda í hverri skák. Mótsgjald er 500 krónur á keppenda.

Sérstök verðlaun verða veitt fyrir þrjú efstu sætin í þremur aldursflokkum og sigurvergarinn í hverjum flokki fær nafnbótina héraðsmeistari HSÞ í skák 2013.

8 ára og yngri (1-3 bekkur)
9-12 ára (4-7 bekkur)
13-15 ára (8-10 bekkur)

Skráning í mótið fer fram hjá Hermanni í síma 4643187, 8213187 eða með tölvupósti á netfangið: Lyngbrekku@simnet.is

Skákfélagið Huginn og HSÞ

Umsóknir í Fræðslusjóð HSÞ

Nú er opið fyrir umsóknir úr Fræðslusjóði HSÞ. Umsóknir þurfa að berast fyrir 15. des. til skrifstofu HSÞ – undirritaðar af formanni viðkomandi félags.

Reglur sjóðsins er að finna á heimasíðu HSÞ – sjá hérhttp://hsth.is/sjodir-og-styrkir/

Umsóknareyðublöð finnið þið hér  http://hsth.is/skjol/
Úr reglum sjóðsins:

2. grein
Tilgangur sjóðsins er að auka menntun og þekkingu félaga innan HSÞ á íþróttagreinum, þjálfun, í félagsmálum og félagsstarfi, með því að sækja námskeið, fundi og ráðstefnur ef stjórn sjóðsins álítur það íþrótta- og félagslífi í héraði til framdráttar.

Styrkir úr Fræðslu- og verkefnasjóði UMFÍ

Umsóknarfrestur til að sækja um styrki úr Fræðslu- og verkefnasjóði Ungmennafélags Íslands er til 1. október. Umsóknum skal skilað rafrænt á þar til gerðum umsóknareyðublöðum sem er að finna á heimasíðu UMFÍ (www.umfi .is) undir Styrkir fyrir 1. október.

Verkefnasjóður-haust-2014

Sjóðurinn veitir m.a. styrki til félags- og íþróttastarfs ungmennafélagshreyfingarinnar með því að auka menntun og þekkingu félaga innan hreyfingarinnar á íþróttagreinum, þjálfun,í félagsmálum og félagsstarfi.

Rétt til styrkveitingar úr sjóðnum eiga allir félagar í ungmennafélögum sem eru virkir í starfi og hafa uppáskrift síns félags eða sambands til að afl a sér aukinnar þekkingar á sínu sérsviði sem gæti nýst viðkomandi félagi, sambandi og ungmenna-félagshreyfingunni í heild. Einnig eiga stjórn og nefndir UMFÍ, héraðssambönd, ungmennafélög og deildir innan þeirra rétt á að sækja um styrk úr sjóðnum.

Sjóðsstjórn er heimilt að veita styrki úr sjóðnum að eigin frumkvæði til verkefna sem ekki teljast til árlega verkefnahreyfingarinnar.

Nánari upplýsingar eru gefnar á þjónustumiðstöð UMFÍ í síma 568-2929.