Sumarleikar Frjálsíþróttaráðs HSÞ 2016

Sumarleikar Frjálsíþróttaráðs HSÞ fóru fram á Laugavelli 2.-3. júlí síðastliðinn.  Þrátt fyrir mikla bleytuspá þá sluppum við ótrúlega vel þessa daga en hitastigið hefði mátt vera hærra. Um 120 keppendur voru skráðir frá 5 félögum og þar af átti HSÞ 53 keppendur. Það var virkilega gaman að sjá hvað það voru margir keppendur frá okkur í flokknum 9 ára og yngri og þau stóðu sig öll mjög vel. Það má því segja að það sé bjart framundan í frjálsum íþróttum hjá HSÞ.

Hluti af 9 ára og yngri keppendum að taka við þátttökupening
Hluti af 9 ára og yngri keppendum að taka við þátttökupening

Mótsstjórn var í höndum Gunnhildar Hinriksdóttur og þulur var Arnór Benónýsson. Alls voru 47 persónulegar bætingar hjá okkar fólki og keppendur fóru alls 65 sinnum á verðlaunapall, allir 9 ára og yngri fengu þátttökupening. Helsti árangur keppenda frá HSÞ var:

Piltar 9 ára og yngri

Daníel Róbert Magnússon varð í 2.sæti í 60m, 400m og langstökki

Viktor Breki Hjartarson varð í 3.sæti í 60m, 400m og langstökki og í 1.sæti í boltakasti

Piltar 10-11 ára

Jakob Héðinn Róbertsson varð í 1.sæti í 60m, 600m, hástökki og langstökki og 2.sæti í kúluvarpi

Hafþór Freyr Höskuldsson varð í 2.sæti í 60m, 600m, hástökki, langstökki og spjótkasti og í 3.sæti í kúluvarpi

Teitur Ari Sigurðarson varð í 1.sæti í kúluvarpi og spjótkasti og 3.sæti í 60m

Tómas Ari varð í 3.sæti í 600m og langstökki

Piltar 12-13 ára

Ari Ingólfsson varð í 1.sæti í kúluvarpi, 2.sæti í spjótkasi og 3.sæti í 60m, 60m grind og hástökki

Bergþór Snær Birkisson varð í 3.sæti í 400m

Hlynur Andri Friðriksson varð í 3.sæti í kúluvarpi

Piltar 14-15 ára

Heimir Ari Heimisson varð í 2.sæti í 80m grind, 3.sæti í langstökki og hástökki

Jón Alexander H. Artúrsson varð í 2.sæti í kúluvarpi

Halldór Tumi Ólason varð í 2.sæti í spjótkasti

Hilmir Smári Kristinsson varð í 3.sæti í 800m

Benóný Arnórsson varð í 3.sæti í 100m

Piltar 16-17 ára

Eyþór Kári Ingólfsson varð í 1.sæti í hástökki, 2.sæti í langstökki, kúluvarpi og spjótkasti, 3.sæti í 100m og 200m

Unnar Þór Hlynsson varð í 1.sæti í 400m,100m og langstökki, 2.sæti í 200m

Hlynur Aðalsteinsson varð í 1.sæti í 800m og 1500m

Piltar 20-22 ára

Snæþór Aðalsteinsson varð í 1.sæti í 400m og 1500m, 2.sæti í 800m

Stúlkur 9 ára og yngri

Tinna Dögg Garðarsdóttir varð í 3.sæti í 60m, 400m og boltakasti

Íris Alma Kristjánsdóttir varð í 2.sæti í boltakasti og 3.sæti í langstökki

Stúlkur 10-11 ára

Tanía Sól Hjartardóttir varð í 1.sæti í 60m og kúluvarpi, 2.sæti í langstökki

Katrín Rúnarsdóttir varð í 2.sæti í 600m og kúluvarpi

Edda Hrönn Hallgrímsdóttir varð í 3.sæti í 60m og langstökki

Íshildur Rún Haraldsdóttir varð í 3.sæti í 600m

Stúlkur 12-13 ára

Erla Rós Ólafsdóttir varð í 1.sæti í spjótkasti og 3.sæti í kúluvarpi

Auður Friðrika Arngrímsdóttir varð í 3.sæti í 400m og langstökki

Stúlkur 14-15 ára

Unnur Jónasdóttir varð í 3.sæti í 400m

Stúlkur 16-17 ára

Jana Valborg Bjarnadóttir varð í 1.sæti í 100m, langstökki og kúluvarpi

Ragnhildur Halla Þórunnardóttir varð í 2.sæti í langstökki og kúluvarpi

Stúlkur 18-19 ára

Arna Dröfn Sigurðardóttir varð í 2.sæti í hástökki og í 3.sæti í 100m hlaupi kvenna

HSÞ átti 6 boðhlaupssveitir á verðlaunapalli og eina blandaða HSÞ/UFA

Frjálsíþróttaráð þakkar öllum fyrir komuna á Sumarleikana, starfsfólki fyrir vel unnin störf og velunnurum fyrir stuðninginn.

 

 

Frjálsíþróttaskóli frjálsíþróttaráðs HSÞ

Dagana 13.-16. júní stóð frjálsíþróttaráð HSÞ fyrir frjálsíþróttaskóla á Laugum.  Metþátttaka var í ár en alls voru 26 krakkar í skólanum frá aldrinum 10 – 16 ára. Skólinn hófst um hádegi á mánudeginum og var fyrsta æfingin kl. 13.  Brói þjálfari var aðalþjálfarinn okkar en við fengum þó nokkra mjög góða með honum en það voru Eyþór og Bjargey frá Úlfsbæ,  Hjörvar og svo var Selmdís með á þriðjudags- og fimmtudagskvöldæfingunum.  Ákveðið var að hafa 2 æfingar á mánudeginum þar sem skólinn náði aðeins yfir 4 daga en ekki 5.  Milli æfinga komu krakkarnir sér fyrir, slöppuðu af eða fundu sér eitthvað annað til dundurs. Eftir seinni æfinguna var matur og sund.

Frjálsíþróttaskólinn 2016

Á þriðjudeginum var æfing frá kl. 10-12 og eftir það var sund og svo fengu krakkarnir bogfimikennslu og stóðu þau sig öll mjög vel og höfðu gaman af.  Seinni æfingin var svo kl. 19-21 en það er venjulegur æfingatími hja okkur þessa daga.  2 æfingar voru á miðvikudeginum og var seinni æfingin með fyrra fallinu þar sem við vorum með kósýkvöld um kvöldið. Pöntuð var pizza frá Dalakofanum og svo var farið upp í Þróttó og horft á mynd.

Síðasti dagurinn rann upp og reyndum við að hafa hann aðeins öðruvísi en hina dagana. Eftir æfingu og sund ákváðu Malla og Hulda að vera með óvænta stöðvavinnu fyrir krakkana þar sem þau þurftu að leysa 6 þrautir. Það voru tiltekt, pílukast, jurtagreining, listaverkagerð, textasmíði og pönnukökubakstur. Ekki er hægt að segja annað en að þau hafi komið okkur verulega á óvart í pönnukökubakstrinum en allir hóparnir rúlluðu þessu verkefni upp, eins og reyndar flestum af þeim. Eftir þetta voru grillaðir hamborgarar og Brói sleit svo skólanum með því að afhenda þeim viðurkenningarskjöl og svo fengu allir gefins HSÞ sokka frá frjálsíþróttaráði. Skólinn endaði svo á sameiginlegri æfingu.

Við vorum einstaklega heppin með veður þessa daga en því miður var mývargurinn aðeins of ágengur og fengu krakkarnir lítinn frið fyrir honum á æfingum.

Við í frjálsíþróttaráði viljum þakka öllu því frábæra fólki sem aðstoðaði okkur við að gera þennan skóla að veruleika. Sérstakar þakkir fá íbúar á Laugum fyrir aðstoð og liðlegheit við okkur. Við þökkum foreldrum fyrir bakstur og aðstoð í skólanum. Fjallalamb, Samkaup/Úrval, MS, Dalakofinn, Narfastaðir, Heimamenn og Heimabakarí fá miklar þakkir fyrir veittan stuðning.

Myndir og fréttir af starfinu okkar er hægt að finna inn á facebook.com/frjálsíþróttaráð HSÞ

Fréttir af meistaramóti Íslands

Frjálsíþróttaráð HSÞ átti fjóra keppendur á Meistaramóti Íslands sem fram sl. helgi.  Það voru þau Dagbjört Ingvarsdóttir, Unnar Þór Hlynsson, Hilmir Smári Kristinsson og Áslaug Munda Gunnlaugsdóttir.

Dagbjört á palli
Dagbjört á palli

Keppendur okkar voru í miklu stuði og voru dugleg að bæta sinn persónulega árangur.  Áslaug Munda bætti sinn árangur í 5 af 6 greinum sem hún keppti í,

Hilmir, Áslaug og Unnar
Hilmir, Áslaug og Unnar

Hilmir Smári bætti sig í 3 greinum af 5 og Unnar bætti sig í 1 grein af þremur.  Að auki varð Dagbjört í 2. sæti í langstökki í flokki 20-22 ára stúlkna og Hilmir Smári varð þriðji í kúluvarpi 15 ára pilta.  Alls fengu keppendur okkar 15 stig en 6 efstu sætin gefa stig.

Hilmir á palli
Hilmir á palli

Helgina 20.-21. febrúar fór fram Meistaramót Íslands.  Þar keppti Snæþór Aðalsteinsson í 3000 m. hlaupi og varð í 3. sæti.

Snæþór

Fréttir af MÍ og stórmóti ÍR

Helgina 30-31. janúar var Meistaramót Íslands 11-14 ára haldið í Kaplakrika í Hafnarfirði.  3 keppendur fóru frá HSÞ og varð Jón Alexander H. Artúrsson íslandsmeistari í kúlu 14 ára pilta.  Hann bætti sinn persónulega árangur í kúlunni  og einnig bætti hann tíma sinn í 60 m hlaupi.  Ari Ingólfsson 13 ára bætti sinn persónulega árangur í kúlu og Katla María Kristjánsdóttir 14 ára bætti sinn persónulega árangur í 60 m hlaupi.

Hópmynd ef keppendum á Stórmóti ÍR
Hópmynd ef keppendum á Stórmóti ÍR

Síðastliðna helgi fór fram í Laugardalshöll Stórmót ÍR.  Alls fór 31 keppandi frá HSÞ,  30 tóku þátt í  frjálsíþróttarkeppni og 1 keppandi tók þátt í þrautabraut.  Af þessum 30 keppendum voru 16 þeirra að fara á sitt fyrsta Stórmót.   Keppendur okkar náðu mjög góðum árangri og virtist ekki koma að sök löng bílferð daginn áður en brottför okkar tafðist talsvert vegna veðurs og moksturs.  Mikil fjölgun er í frjálsum íþróttum og er gaman að segja frá því að keppendur sem komu á Stórmótið komu nánast af öllu starfssvæði HSÞ. Keppendur okkar  kepptu í 103 skipti og þar af bættu þau sinn persónulega árangur í 48 skipti sem er fyrsta markmið hjá öllu keppendum.   Keppendur okkar fengu 11 sinnum viðurkenningarskjal fyrir mestu persónulegu bætingu í grein.  2 gull, 4 silfur og 3 brons komu í hlut keppanda okkar.  Fjórða sætið kom í hlut okkar 6 sinnum og fimmta sætið 5 sinnum.

Tanía Sól Hjartardóttir fékk gull í kúlu og brons í hástökki
Tanía Sól Hjartardóttir fékk gull í kúlu og brons í hástökki

Tanía Sól Hjartardóttir 11 ára fékk gull í kúlu og brons í hástökki.  Sindri Þór Tryggvason 14 ára fékk gull fyrir kúluvarp.  Jón Alexander Artúrsson 14 ára, Natalía Sól Jóhannsdóttir 13 ára,  Guðni Páll Jóhannesson 13 ára og Hafdís Inga Kristjánsdóttir 12 ára fengu öll silfur í kúluvarpi.  Hafþór Höskuldsson 11 ára fékk brons fyrir hástökk, og bræðurnir Snæþór 20 ára og Hlynur 17 ára Aðalsteinssynir fengu báðir brons fyrir 3000 m hlaup.

Jón Alexander H Artússon varð íslandsmeistari í kúlu á Meistaramóti Íslands.
Jón Alexander H Artússon varð íslandsmeistari í kúlu á Meistaramóti Íslands.

Á Stórmóti Ír er veitt viðurkenning fyrir mestu persónulegu bætingu í hverjum flokki og í hverri grein. Keppendur okkar hlutu þá viðurkenningu 11 sinnum en það voru;  Heimir Ari Heimisson 14 ára fyrir 200 m. hlaup, Erla Rós Ólafsdóttir 13 ára fyrir kúluvarp, Svanhildur Björt Siggeirsdóttir 15 ára fyrir langstökk, Íshildur Rún Haraldsdóttir 11 ára fékk bæði fyrir hástökk og langstökk, Bergþór Snær Birkisson 13 ára fékk viðurkenningu fyrir mestu bætingu í 60 m grindahlaupi, Guðni Páll Jóhannesson 13 ára fyrir 600 m hlaup, Unnur Jónasdóttir fyrir 60 m hlaup. Áslaug Munda Gunnlaugsdóttir 15 ára fékk fyrir mestu bætingu í 60 m. grindahlaupi.  Bræðurnir Hlynur og Snæþór fengu báðir fyrir mestu bætingu í 3000 m hlaupi.

Frjálsíþróttaráð HSÞ þakkar Heimabakaríi, Norðlenska, heimamönnum og MS fyrir stuðninginn.

 

Æfingabúðir á Þórshöfn

Föstudaginn 15.  janúar var farið af stað frá Laugum og stefnan tekin á Þórshöfn þar sem frjálsíþróttaráð stóð fyrir sólarhringsæfingabúðum. Við fengum rútu frá Fjallasýn til að koma okkur á milli staða. Alls voru 29 frjálsíþróttaiðkendur teknir upp í rútuna á leiðinni en með í för voru líka Brói þjálfari, Friðbjörn Bragi og svo Hulda, Malla og Jóa úr frjálsíþróttaráði. Vegna hálku á leiðinni seinkaði okkur aðeins á staðinn en það kom ekki að sök og þegar allir voru komnir í salinn töldum við rúmlega 50 krakka og finnst okkur það alveg frábært.
Frjálsar æfingabúðir á Þórshöfn
Friðbjörn og Brói voru með æfingu til hálf átta en þá tók við sund eða sturta og svo fengum við ljúffengar pizzur sem matráðurinn í skólanum bjó til ásamt aðstoðarliði. Eftir pizzuát var farið í félagsheimilið þar sem við gistum. Þeir sem ætluðu að gista fundu sér stað og svo var smá tími fyrir leik áður en horft var á mynd og liðinu komið í ró. Fyrri æfing laugardagsins hófst klukkan 10 og stóð fram að hádegi. Boðið var upp á pasta í hádeginu og svo var hvíld og frágangur fram að seinni æfingunni sem var klukkan hálf tvö. Að lokum var farið í sturtu eða sund og svo boðið upp á hressingu áður en haldið var heim. Allir stóðu sig vel og hjálpuðust að við að gera þessa ferð skemmtilega og árangursríka og vonum við að í framhaldinu munum við fjölmenna á næstu mót sem framundan eru í Reykjavík.
Frjálsíþróttaráð vill þakka Þórshafnarbúum fyrir að taka svona vel á móti okkur, einnig viljum við þakka Ísfélaginu,Samkaup, Ungmennafélagi Langnesinga og Fjallasýn fyrir að gera þessar æfingabúðir að veruleika með okkur. Takk kærlega fyrir okkur.
Frjálsíþróttaráð vill svo að lokum minna á dagatalið sem við gefum út og er okkar helsta fjáröflunarleið.