Stjórn HSÞ auglýsir eftir umsóknum í Styrktar- og verkefnasjóð HSÞ. Tilgangur sjóðsins er að styðja við og efla íþrótta- og félagsstarf á sambandssvæði HSÞ.

Markmið sjóðsins er m.a. að styrkja eftirfarandi:

• Íþróttafólk sem hefur hæfileika og getu til þess að ná langt í sinni íþróttagrein.
• Félagsmenn (iðkendur, þjálfara, starfsfólk og stjórnarfólk) til þátttöku í fræðslunámskeiðum, ráðstefnum eða fundum sem er íþróttalífi og félagsstarfi í héraði til bóta.
• Fræðsluerindi innan héraðs fyrir iðkendur, þjálfara, dómara eða sjálfboðaliða. Skilyrði er að opið sé fyrir þátttöku frá öllum aðildarfélögum HSÞ.
• Ferðakostnað einstaklinga vegna æfinga og keppni innanlands og erlendis.
• Nýjungar og sérstök verkefni.

Auðvelt er að senda inn umsókn í sjóðinn en umsóknareyðublaðið er fyllt út á netinu, sjá www.hsth.is/reglugerdir/ og velja sækja um styrk. Umsóknir fyrir seinni úthlutun ársins þurfa að berast í síðasta lagi 15. nóvember n.k.